Rreth Barcelonës për 12 orë

Vizita ime në Barcelonë ka qenë vetëm 12 orë. Duhet të bëja një plan të mirë për të parë vendet më të pikasura të këtij qyteti. Më poshtë do ju rendis si e shpenzova kohën time në Barcelonë.

Camp Nou. Vizita e parë ishte sigurisht në stadiumin e Barcelonës që askush nuk duhet ta humbasë. Për të lexuar artikullin e stadiumit kliko këtu.

Tibidabo. Në majë të kodrës në Barcelonë ndodhet kisha e Tibidabos dhe një park lojrash. Pamja është fantastike.

Park Guell. Për shkak të kohës nuk pata mundësi të vizitoja pjesën e parkut që ishte me pagesë. Gjithsesi këmbën e shkela në Park Guell sa për të thënë.

Sagrada Familia. Fatkeqsisht munda ta shikoj vetëm nga jashtë pasi atë ditë po binte shumë shi dhe hyrja kryesore ishte bllokuar nga rreshjet e shumta. Me që ra fjala kanalizimet e Barcelonës janë më keq se Tirana, një çikë shi të bjerë përmbytet dynjaja.